Remove Mountain

"ಸಾಸ್ವ ಕಣಾ ತಿತ್ಲೊ ಭಾವರ್ಥ್ ಜರ್ ತುಮ್ಕಾಂ ಅಸಾತ್ ಜಾಲ್ಯಾರ್, ಹ್ಯಾ ಪರ್ವತಾಕ್ ಹಾಂಗಾ ಥಾಂವ್ನ್ ವಚ್ ಮ್ಹುಣೊನ್ ಸಾಂಗ್ಸ್ಯಾತ್ ತರ್ ತೊ ವೆತಾಲೊ." (ಮಾತೆವ್ 17:20).

ಹೆಂ ಮೊಜಾನ್ ಸಾಧ್ಯ್ ಗಿ? ತಿತ್ಲೊ ಭಾವರ್ಥ್ ಮ್ಹಕಾ ಅಸಾಗೀ? ಪರ್ವತ್ ಕಾಡ್ನ್ ಉಡೊಂಕ್ ಸುಲಭ್ ಗೀ? 

ಮೊಜಾ ಜಿವಿತಾಂತ್ ಹಜಾರ್ ಪರ್ವತ್ ನಾಂತ್ ಗೀ? 

▷ ಸಕಾಳಿಂ ಉಟೊನ್ ಕಾಮಾಕ್ ವೆತಾನಾ, ಕಿತೆಂಗಿ ಅಡ್ಕಳ್,!!! ಪರ್ವತ್ ಆಡ್ ಅಯ್ಲೊ.

▷ಕಾಮ್ ಕರ್ನ್ ಅಸ್ತಾನಾಂಚ್, ಕಾಮ್ ಮುಖಾರ್ ವಚಾನಾ ಏಕ್ ಅಡ್ಕಳ್ ಪರ್ವತಾ ರುಪಾರ್ ಅಯ್ಲಿ.

▷ಸಮಾಜೆಂತ್ ಕಿತೆಂಗಿ ಬೊರೆಂ ಕರುಂಕ್ ವೆತಾನಾ ಎಕ್ಲೊ ಪರ್ವತಾ ರುಪಾರ್ ಆಡ್ ಪಾಂಯ್ ದೀಂವ್ಕ್ ಅಯ್ಲೊ.

▷ ಸರ್ಕಾರಿ ಕಚೇರಿಕ್ ವೆತನಾ ಫಾಲ್ಯಾ ಯೇ, ಪೊರ್ವಾ ಯೇ ಮ್ಹುಣೊನ್ ಕಿತ್ಲೆ ಪರ್ವತ್!!!!

▷ಶಿಕ್ಚಾ ಭುರ್ಗ್ಯಾಂಕ್ ಟಿವಿ, ಮೊಬೈಲ್, ಸೀರಿಸ್, ಗೇಮ್, ವಾಟ್ಸಾಪ್, ಇನ್ಸ್ಟಾಗ್ರಾಂ ಪರ್ವತ್ ಜಾಲ್ಯಾತ್ ಗೀ?

▷ಕಾಮ್ ನಾಸ್ತಾನಾ, ಖಂಯ್ ಕಾಮ್ ಸೊದ್ಚೆ ಮ್ಹುಣೊನ್ ಕಳನಾಸ್ತಾನಾ ಪರ್ವತ್ ಆಡ್ ಅಸೊನ್ ಪೆಲಿ ತಡೀ ದಿಸಾನಾಶೆಂ ಜಾತಾ ನ್ಹಂಯ್ಗಿ?

▷ಸಿವಿ ದಾಡ್ಲ್ಯಾರಿ, ಪಳೊಂವ್ಚೊ ಮೊನಿಸ್ ಇಮೈಲ್ ಸ್ಕ್ರೋಲ್ ಕರ್ನ್ ignore ಕರ್ತಾನಾ, ಪರ್ವತ್ ಆಡ್ ಅಯ್ಲೊ ನ್ಹಂಯ್ಗಿ?

▷ಥೊಡೆ ಪಾವ್ಟಿಂ ಇಂಟೆರ್ವೂ ಜಾತಾ, ಪೂಣ್ ಜಾತ್-ಕಾತ್ ಅನಿಂ ಗಾಂವ್ ಮುಳ್ಳೆ ಪರ್ವತ್ ಪರ್ತ್ಯಾನ್ ಆಡ್ ಯೆತಾತ್ ನ್ಹಂಯ್ಗಿ?

▷ಜಿವಿತ್ ಸುಶೆಗಾತ್ ಚಲವ್ನ್ ಅಸ್ತಾನಾ ಪಿಡಾ ಮುಳ್ಳೊ ಪರ್ವತ್ ಆಡ್ ಯೇವ್ನ್ ಭಲಾಯ್ಕಿ ಕಂಗಾಲ್ ಜಾತಾ ನ್ಹಂಯ್ಗಿ?

▷ವ್ಯಾಪರ್ ವಯ್ವಾಟಾಂತ್ ಸರ್ಕಾರಿ ರೀತಿ ರೆಗ್ರ್ಯೊ ವ್ಹಡ್ ಪರ್ವತ್ ಜಾಂವ್ಕ್ ಪಾವ್ತಾತ್ ನ್ಹಂಯ್ಗಿ?

▷ವ್ಹಯ್!, ಹರ್ಯೆಕ್ಲ್ಯಾಕ್ ಏಕ್ ನಾ ಅನ್ಯೇಕ್ ವಾ ಹರ್ಯೇಕಾ ದಿಸಾ ಮೊಸ್ತು ಪರ್ವತ್ ಅಮ್ಕಾಂ ಆಡ್ ಯೆತಾನಾ; 

ಜೆಜು ಮ್ಹುಣ್ತಾ,

"ಸಾಸ್ವ ಕಣಾ ತಿತ್ಲೊ ಭಾವರ್ಥ್ ಜರ್ ತುಮ್ಕಾಂ ಅಸಾತ್ ಜಾಲ್ಯಾರ್, ಹ್ಯಾ ಪರ್ವತಾಕ್ ಹಾಂಗಾ ಥಾಂವ್ನ್ ವಚ್ ಮ್ಹುಣೊನ್ ಸಾಂಗ್ಸ್ಯಾತ್ ತರ್ ತೊ ವೆತಾಲೊ." (ಮಾತೆವ್ 17:20).

1.ಅಡ್ಕಳ್ ಮುಳ್ಳೊ ಪರ್ವತ್ ಮೊಜಾನ್ ಕಾಡುಂಕ್ ಜಾತಾ.

2.ಆಡ್ ಪಾಂಯ್ ದಿತಲ್ಯಾಂಕ್ ಮೊಜ್ಯಾನ್ ಮೊಡುಂಕ್ ಜಾತಾ.

3.ಸರ್ಕಾರಿ ಕಚೇರಿಂತ್ ಫಾಲ್ಯಾ ಯೇ, ಪೊರ್ವಾಂ ಯೇ ಮ್ಹುಣ್ತಾಲ್ಯಾಂಕ್ ಬೂದ್ ಶಿಕೊಂವ್ಕ್ ಜಾತಾ.

4.ಸಿವಿ ದಾಡ್ತಾನಾ, ಇಂಟೆರ್ವೂ ಕ್ ಅಪಯ್ತಾನಾ, ಕಾಮ್ ಕರ್ತಾನಾ, ಶಿಕಪ್ ಶಿಕ್ತಾನಾ, ಭಲಾಯ್ಕಿ ಪಾಡ್ ಜಾತಾನಾ, ವ್ಯಾಪರ್ ಉಣೊ ಜಾತಾನಾ, ಅರ್ಥಿಕ್ ಪರಿಸ್ತಿಥಿ ಪಾಡ್ ಜಾಂವ್ಕ್ ಕಾರಣ್ ಜಾಂವ್ಚೆ, ಪುರಾ ಪರ್ವತ್ ಕಾಡ್ನ್ ಉಡೊಂವ್ಕ್ ಸೊಮಿಂ ಅಮ್ಚೇ ಸಂಗಿ ಅಸ್ತಾನಾ ಜಾತಾ.

ತ್ಯಾ ಖಾತಿರ್,

ಸೊಮ್ಯಾ ಚಡಯ್ ಮೊಜೊ ಭಾವರ್ಥ್ (ಲೂಕ್ 17:5).

ಸೊಮ್ಯಾ ಅಮಿಂ ಬುಡ್ತಾಂವ್ (ಮಾತೆವ್ 8:25).

ಬಾಪಾಚಾ, ಪುತಾಚಾ ಅನಿಂ ಪವಿತ್ರ್ ಅತ್ಮ್ಯಾಚಾ ನಾಂವಿಂ, ಪರ್ವತ್ ಕಾಡ್ನ್ ಉಡಯ್.